Sjáumst í 18. Strandagöngunni 10. mars 2012

Búið er að gera leiðréttingu á úrslitunum úr sveitakeppninni, en þar gleymdist hin frábæra sveit 3X sem náði 5. sæti í 20 km.  Beðist er velvirðingar á mistökunum.

Búið er að gera eina breytingu á úrslitunum í 20 km flokki karla 35-49 ára.

Úrslitin úr sveitakeppninni eru komin á síðuna, en sigurvegarar í henni voru: Skíðakapparnir, snjókornin, Gæfa og Team Fjallabyggð.

Það eru flottar myndir af Strandagöngunni hjá Munda Páls og Jóni Halldórs.  Bestu þakkir fyrir góðar myndir Mundi og Jón.

Þá eru úrslitin úr 17. Strandagöngunni komin á síðuna, en gangan var haldin í Selárdal í dag í ágætu veðri: sólskin með köflum, logn og frost -10°c undir lok göngunnar snjóaði dálítið.  Alls tóku 82 þátt í göngunni og komu víða af landinu, Húsavík, Akureyri, Ólafsfirði, Siglufirði, Súðavík, Ísafirði og höfuðborgarsvæðinu.  Keppendum er hér með þökkuð þátttakan í göngunni.  Allir þeir sem komu að framkvæmd göngunnar fá kærar þakkir fyrir, og má segja að allt hafi gengið eins og í sögu við framkvæmd göngunnar.  Kaupfélag Steingrímsfjarðar fær þakkir fyrir stuðninginn við gönguna, en Kaupfélagið hefur verið styrktaraðili göngunnar frá upphafi.

Sigurbjörn Þorgeirsson frá Ólafsfirði kom fyrstur í mark í 20 km göngunni og fékk því hinn stórglæsilega Sigfúsarbikar til varðveislu næsta árið.  Sigurbjörn vann öruggan sigur í göngunni, en hann tók forustuna strax í upphafi og hélt henni alla leið.  Næstur í mark var annar Ólafsfirðingur Kristján Hauksson rúmlega mínútu á eftir Sigurbirni.

Úrslitin úr sveitakeppninni verða sett inn á síðuna á morgun  

Strandagangan var haldin í dag í fínu veðri í Selárdal, en örlítið snjóaði þó í restina á göngunni.  Alls voru 82 þátttakendur í göngunni sem telst mjög góð þátttaka.  Úrslitin verða komin á netið seinna í kvöld.

Strandagangan verður haldin á morgun laugardaginn 12. mars í Selárdal.  Allt er að verða klárt fyrir gönguna, kominn er nægur snjór og spáin gerir ráð fyrir frábæru veðri.

Genginn verður 5 km hringur svipaða leið og gengið var í fyrra, nema við bætist ein brekka upp nýjan sneiðing sem gerður var í haust til að tengja Múlaengið betur við svæðið í kringum Syrpu.

Minnt er á að hægt er að sækja númer, skrá sig og greiða þátttökugjald í kvöld milli kl. 18 og 22 í Víkurtúni 10 á Hólmavík hjá Rósmundi formanni Skíðafélagsins.  Einnig er hægt að greiða þátttökugjaldið með því að leggja inn á reikning Skíðafélagsins í Sparisjóði Strandamanna:  1161-05-400178 kt. 510100-2120 og senda kvittun á igrak@simnet.is">sigrak@simnet.is 

Það verður opið í heitu pottana í íþróttamiðstöðinni á Hólmavík kl. 14-17 á morgun og gert ráð fyrir að kaffihlaðborð og verðlaunaafhending hefjist ekki fyrr en eftir að allir hafa fengið tíma til að fara í pottana.

Þeir sem ekki hafa komið í Selárdal áður og eru ekki öruggir að rata þangað ættu að kynna sér hvar Selárdalur er á landakortinu áður en lagt er af stað.  Selárdalur er ca 16 km norðan við Hólmavík við Drangsnesveg.  Selárdalur liggur í norður frá botni Steingrímsfjarðar við hlið Staðardals sem er dalurinn sem ekið er upp á Steingrímsfjarðarheiði.  Sett verða upp skilti við vegamót Drangsnesvegar sem vísa leiðina í Selárdal, en þegar beygt hefur verið við vegamót Drangsnesvegar er ekið í ca. 3 km og beygt til vinstri upp afleggjarann að Geirmundarstöðum í Selárdal. 

Töluvert er komið af skráningum í Strandagönguna og eins og oft áður eru vinir okkar á Ísafirði þar fjölmennastir.  Við minnum fólk á að skrá sig einnig í sveitakeppnina sem er í öllum vegalengdum.

Veðurspáin fyrir laugardaginn er góð en spáð er sólskini fyrri part dags, hægum vindi eða 2 m/s af suðaustri = logn í Selárdal og frost -6°c eftir hádegi.

Mikið hefur bæst við af snjó í Selárdal og verður líklega eingöngu nýr snjór í brautinni.

Ráðleggingar í sambandi við smurningu miðað við spána eru þessar:  fjólublár rennslisáburður, blár extra í festuáburð.

Rétt er að benda fólki á að snjómokstursreglur vegagerðarinnar hafa breyst þannig að Steingrímsfjarðarheiði, Þröskuldar og vegurinn um Strandir eru mokaðar er á föstudögum og sunnudögum en ekki á laugardögum eins og verið hefur undanfarin ár.  Líklegt er þó að leiðirnar haldist opnar ef spáin gengur eftir og lægir seinnipart föstudags.  Einnig eru fjölmargir gistimöguleikar hér á Ströndum.

Strandagangan verður haldin í Selárdal laugardaginn 12. mars 2011

Keppt verður í eftirfarandi flokkum:

Stelpur 1 km                                         Strákar 1 km              
Konur 5 km                                          Karlar 5 km
Konur 10 km                                        Karlar 10 km
Konur 16-34 ára 20 km                       Karlar 16-34 ára 20 km
Konur 35-49 ára 20 km                       Karlar 35-49 ára 20 km
Konur 50 ára og e. 20 km                    Karlar 50 ára og e. 20 km

Ræst verður í 1 km gönguna kl. 12.20 og í aðrar vegalengdir kl. 13.00.    1 km gangan er eingöngu ætluð keppendum 12 ára og yngri.

Þrír fyrstu keppendur í hverjum flokki og vegalengd fá glæsilega bikara og aðrir fá viðurkenningarpening fyrir þátttökuna.  Kaupfélag Steingrímsfjarðar Hólmavík styrkir gönguna með kaupum á  verðlaunagripum.  Sá sem er fyrstur í mark í 20 km. göngunni hlýtur að launum veglegan farandbikar sem gefinn var af Heilbrigðisstofnun Hólmvíkur til minningar um Sigfús Ólafsson heimilislækni.  Einnig verður keppt í sveitakeppni í öllum vegalengdum.  Sveitakeppnin fer þannig fram að 3 einstaklingar í sömu vegalengd mynda lið og gildir samanlagður tími þeirra í sveitakeppninni.  Þrjár efstu sveitirnar í hverri vegalengd fá verðlaunapeninga fyrir sæti. 

Skráning fer fram á staðnum milli kl. 11.30-12.20, en til að auðvelda vinnu við skráningu geta menn sent skráningar og fyrirspurnir á netfangið igrak@simnet.is">sigrak@simnet.is, eða í síma: 8933592 (Ragnar) eða 8921048 (Rósmundur).  Þátttökugjald er kr. 2.500 fyrir 16 ára og eldri og kr. 1.000 fyrir 15 ára og yngri. 

Eftir göngu er öllum keppendum og starfsfólki boðið í veglegt kaffihlaðborð og verðlaunaafhendingu í Félagsheimilinu á Hólmavík.  Aðgangseyrir að kaffihlaðborði fyrir aðra en keppendur og starfsmenn er 1.000 kr sem rennur til styrktar starfsemi Skíðafélagsins.      

 Skíðafélag Strandamanna

Í dag verður lagt spor í Selárdal líklega 5 km hringurinn sem genginn verður í Strandagöngunni á laugardaginn.  Í gær var sami hringur einnig troðinn.  Brautin ætti að vera tilbúin kl. hálf þrjú en þá byrjar æfingin hjá okkur.  Í Selárdal eru nú frábærar aðstæður logn, sól og frost  -7°c og nægur snjór.

17. Strandagangan verður haldin í Selárdal nk. laugardag, nokkuð hefur bæst þar við af snjó undanfarinn sólarhring eða ca 10-20 cm jafnfallið ofan á gamlan harðan snjó sem var aðeins farinn að láta á sjá eftir umhleypingatíð undanfarnar vikur.  Samkvæmt spánni fyrir næstu daga eru líkur á að meira bæti á snjóinn og stefnir því í fínar aðstæður á laugardaginn.

Skráning er hafin í Strandagönguna 2011.  Vinsamlegast sendið skráningar á netfangið igrak@simnet.is">sigrak@simnet.is eða sími 8933592 (Ragnar).  Með skráningunni þurfa að koma fram eftirfarandi upplýsingar:  Nafn keppanda, fæðingarár, félag eða hérað sem keppt er fyrir, vegalengd og netfang eða sími.  Skráning er einnig hafin í sveitakeppnina.

Sjáumst í 17. Strandagöngunni 12. mars 2011

Þá er týnda úrslitablaðið komið í leitirnar og er búið að leiðrétta tíma nokkurra keppenda í samræmi við það en röð keppenda breyttist ekkert.

Það er rétt að vekja athygli fólks á snilldarpistli Heimis Hanssonar á bloggsíðu vasa 2000 undir fyrirsögninni Strandakökunni 2010 lokið